一段真實的片刻

Jennifer & Hinson

由一齊工作，到見證 Jennifer 同 Hinson 嘅婚禮，呢份緣分特別珍貴。Jennifer 喺感言記低對 Harry 主持嘅信任，亦記住咗大日子放鬆投入嘅笑聲。

婚禮過後，留畀我嘅說話

🙋🏻‍♀️本身識 Harry，以前見過佢主持婚禮，覺得控場好勁，同埋覺得交個場比佢一定會好放心🫣所以一要準備婚禮，我第一時間就想搵 Harry。雖然當中好多因素最後冇搵 Harry 做 WP，不過我都堅持要搵 Harry 做 MC！
結果去到婚禮當日我好後悔冇搵 Harry 做 WP。冇 Harry 既時段，勁多野甩漏，打哂仗咁，個人勁崩潰😭
當去到下午 Harry 出現時，我成個人真係放鬆哂，果刻我知道有 Harry 在，我個婚禮有幾唔順利都好，都一定會有 Harry 幫我執得妥妥當當🥹🥹🫶🏻
直到 Harry 出現時，我先真正可以去做一個無腦新娘子，安心將所有嘢交俾 Harry，淨係負責笑同靚🥳🥳🩵
而事實上，下午同夜晚真係發現好多意外，但我完全 0 擔心，結果都反映到 Harry 幫我處理好哂所有突發事件，安排打點好哂宴會場地既人與事，風趣而又有自信既 Harry 令到個場爆笑歡樂，我既笑容都多咗好多🫣🥳完全唔需要擔心其他野，Harry 一句：「放心我會搞」令我成個人放鬆哂，可以盡情享受自己既婚禮🫶🏻
Harry 係一個好專業既 MC，同埋就算冇搵佢做 WP，佢都會熱心提我要準備啲咩。加上佢亦都做過愉景灣酒店既 MC，當中愉景灣包啲咩、唔包啲咩，都會提點我。婚禮前亦再 double confirm 我啲野齊唔齊。好多甩漏都係 Harry 提醒我，好感恩有搵到 Harry 做我 MC！
所以我極力推薦 Harry，佢係一個又細心、又專業既婚禮司儀，婚禮有佢真係放心好多🩵🩵

花花 · 圖片可見感言原文

原本嘅感言圖片，保留新人嘅說話同署名。